АЛТАРГАНА 2024

“Алтаргана-2024” наадам

Дэлхийн буриад зоны 15 дахь наадам - “Алтаргана-2024” 2024 оны 7 дугаар сарын 26-28-ний өдрүүдэд Монгол Улсын Булган аймагт амжилттай зохион байгуулагдлаа.

#Тоо баримтаар:

- Албан бус тоогоор 70 орчим мянган хүн баярт оролцов.
- ОХУ-аас албан ёсоор 1600 хүн зочин-төлөөлөгчөөр оролцсоны дотор Эрхүү мужаас 160, Өвөр Байгалийн хязгаараас 440, БНБуриад Улсаас 1000 хүн байна.
- Баярын хүрээнд зохион байгуулагдсан урлаг, соёл, спортын тэмцээнд Өвөр Байгалийн хязгаарынхан 71 медальтайгаар 1-р байр эзэлжээ.
- БНБуриад Улсын баг 51 медаль, Эрхүү муж 21 медаль авчээ.

Алтаргана ба Үзэсгэлэн худалдаа

МҮХАҮТ ын Булган аймаг дахь Салбар танхим уг арга хэмжээний үеэр үндэсний үйлдвэрлэгчдийн "Бренд бүтээгдхүүний Экспо"- үзэсгэлэн худалдааг хариуцан амжилттай зохион байгууллаа. Үзэсгэлэн худалдаанд МҮХАҮТ -ын гишүүн 20 үйлдвэрлэгч ААНБ ууд амжилттай  оролцлоо.
Алтан гадас одонгоор шагнуулав

Шагнал гардуулав

БНБуриад Улсын Засгийн газрын гишүүн, Монгол Улстай харилцах сайд Даба-Жалсан Чирипов,  Соёлын сайд Соёлма Дагаева нар Монгол Улсын Ерөнхийлөгчийн зарлигаар Алтан гадас одонгоор шагнагдсан билээ. Шагналыг "Алтаргана 2024" Наадмын үеэр Ерөнхийлөгчийн зөвлөх Ч.Лодойравсал гардуулжээ.

“Алтаргана – XVI” Наадам Улаан-Үд хотод болно

ОХУ-ын БНБуриад Улс "Алтаргана XVI" Олон Улсын наадмыг 2026 онд Улаан-Үд хотноо зохион байгуулахаар тодорсон тул тус улсын Соёлын сайд С.Дагаева, Эрүүл мэндийн сайд Ю.Лудупова нар Булган аймгийн удирдлагаас "Алтаргана" Наадмын тугаа хүлээн авлаа.