Буриадууд Монголын өвлийн фестивальд оролцоно

Буриадууд Монголын өвлийн фестивальд оролцоно

Монгол Улсын нийслэл Улаанбаатар хотноо 1-р сарын 27-28-ний өдрүүдэд уулын цанын “Sky Resort” хэмээх баазад өвлийн фестиваль болно.

Энэхүү фестивальд Монгол Улсын нийслэл, 21 аймгаас 100 гаруй тамирчин, Буриад, Өвөр Монгол, Хятадын Шиньжаан Уйгурын автономит дүүргээс 80 гаруй тамирчин оролцоно.

Спортын энэхүү баярын хүрээнд нум сум харвах, сноубордоор гулгах, шүхрээр буух, мөсөн хананд авирах, мөсөн дээрх шагайн харвах мөн цасан дээрх регби, гэр бүлийн буухиа, олс татах зэрэг тэмцээн явагдана. Түүнчлэн нохойтой чарганы уралдаан үзүүлбэр байдлаар явагдах аж.

Улаанбаатарын өвлийн фестиваль нь Монголын өвлийн улирлын дур булаам төрх, үндэсний соёл, өвийг залуу үед сурталчлах зорилготой хэмээн МонЦаМэ-гийн мэдээнд өгүүлсэн байна..

Бүрэн эхээрээ: https://www.baikal-daily.ru/news/16/471279/