Мини-хөлбөмбөгийн цомын аваргаар Улаан-Үдийн баг тодров

БНБуриад Улсын нийслэл Улаан-Үд хотноо 2024 оны 1 дүгээр сарын 4-8-ний өдрүүдэд мини-хөл бөмбөгийн Цомын төлөөх Олон улсын тэмцээн явагдлаа. Уг тэмцээнд ОХУ, Монгол Улс, Беларусь, БНХАУ-ын хөл бөмбөгийн нийт 20 баг өрсөлдсөнөөс Улаан-Үдийн "Улан-Удэ Сити" баг Цомын эзнээр, дэд аваргаар Эрхүүгийн "ИрАэро" баг шалгарч, гуравдугаар байранд Эрхүүгийн "Сервико" баг оржээ.

Монгол Улсаас 2 баг оролцсоноос "U-23" баг 14, "Дэрэн " баг 18-р байр эзэлсэн байна. Беларусийн «Минск» баг 7-р байр, БНХАУ-ын «Маньжуур» баг 20-р байранд тус тус оржээ.

Фото: «Номер один»