Балетын фестивальд Монголын бүжигчид оролцлоо

Балетын фестивальд Монголын бүжигчид оролцлоо

СССР-ийн Ардын жүжигчин Г.Ц.Цыденжаповын нэрэмжит Буриадын Дуурь бүжгийн академик театрт 2023 оны 11 дүгээр сарын 1-5-ны өдрүүдэд СССР-ийн Ардын жүжигчин Лариса Сахьянова, РСФСР-ийн Ардын жүжигчин Петр Абешеевын нэрэмжит балетын V фестиваль боллоо.

Монгол Улсаас тус фестивальд Дуурь бүжгийн академик театрын Удирдаач Туулайхүүгийн Гэрэлцэцэг, жүжигчин А.Эрдэнэболд, Г.Нямцэрэн нар оролцов.

Хаалтын Гала тоглолтод Л.Минкусын "Дон Кихот" бүжгэн жүжигт тоглосон Г.Нямцэрэн, А.Эрдэнэболд нар мөн бүжигчин Б.Хулан, Новосибирскийн дуурь бүжгийн академик театрт бүжиглэж байгаа Батнямын Марал нарын монгол бүжигчид үзэгчдээс халуун талархал хүлээн, өндөр үнэлгээ авсан байна.