Алтаргана - 2024 хаана, хэзээ болох вэ
Дэлхийн буриадуудын “Алтаргана” наадмын бэлтгэл ажил эхэллээ
Эх сурвалж: https://www.baikal-daily.ru/news/16/467597/
2023.11.06
Тус арга хэмжээ Монгол Улсын Булган аймагт болно.
Арваннэгдүгээр сарын 03-нд Монгол Улсын Булган аймагт “Алтаргана-2024” (6+) Олон улсын наадмыг зохион байгуулах хорооны анхдугаар хуралдаан боллоо. Хуралдаанд Буриадын төлөөлөгчид, Эрхүү муж, Өвөр Байгалийн хязгаар, Хятад болон Монгол Улсын зарим аймгийн төлөөлөл оролцов.
“Буриадын зон олны XV “Алтаргана” Олон улсын наадам 2024 оны долдугаар сарын 26-28-нд болно” гэж Буриадын Соёлын сайд Соёлмаа Дагаева хэллээ.
Хуралдаанд оролцогчид баяр наадмыг зохион байгуулах тов, дүрэм журам, төсөв, зохион байгуулах газрын талаар хэлэлцэж, саналаа хүргүүлсэн байна. Мөн наадамд бэлтгэх Олон улсын хороо байгуулагдаад байна.
Нэмж дурьдахад, Буриадын “Алтаргана-2024” наадам болох газрыг Монгол Улсын Булган аймаг гэдгийг өнгөрсөн наадмын үеэр шийдвэрлэсэн билээ.
“Дэлхийн буриадуудын “Алтаргана” наадам бол буриад түмний уламжлалт соёлыг сэргээх, хадгалах, хөгжүүлэх гол арга хэмжээ юм” хэмээн Бүгд найрамдах Буриад улсын Ардын урлагийн төвөөс мэдээллээ. Энэхүү наадам нь 1990 онд Монголд дууны уралдаан хэлбэрээр зохиогдож эхлэлээ тавьсан ба ОХУ болон бусад улс орны янз бүрийн бүс нутагт амьдарч буй буриад зон олны оюун санааны эв нэгдлийг дэмжсэн томоохон форум болжээ.