Буриадын уран бүтээлчид Монголд тоглолт хийнэ
Орос-Монголын найрамдлын өдрүүдийг тохиолдуулан Буриадын уран бүтээлчид Монголд тоглолт хийхээр бэлтгэж байна
Монгол Улсад 10-р сарын 22-23-ны өдрүүдэд Улаанбаатар, Зуунмод хотуудад баярын хоёр тоглолт болно.
Төв аймгийн Зуунмод хотод байрлах Ардын жүжигчин Б.Дамдинсүрэнгийн нэрэмжит Монгол туургатан театр 10 сарын 22-нд өвлийн улирлын нээлтээ хийнэ. Аймгийн удирдлагууд Буриадын уран бүтээлчдэд урилга илгээжээ.
10-р сарын 23-нд Улаанбаатар хотын “Соёлын төв өргөө” концертын их танхимд “Найрамдал” тоглолт болно. Дуурийн уран бүтээлчдээс Г.Ц.Цыдынжаповын нэрэмжит Буриад Улсын дуурь, бүжгийн академик театрын гоцлол дуучин ЗХУ-ын ардын жүжигчин, супер-сопрано Галина Шойдагбаева дуулах ба балетчид “Гоо үзэсгэлэнгт Ангара”, “Щелкунчик” балетын “Ягаан вальс”-ыг бүжинэ. Хөтөлбөрийн сонгодог хэсэгт дуурийн тэргүүлэх гоцлол дуучид, театрын найрал хөгжимчид тоглоно.
Буриадын гавьяат жүжигчин Чингис Раднаев, Буриадын гавьяат жүжигчин Мадэгма Доржиева, “Байкал” театр, ардын дуу, хөгжмийн “Забава” чуулга, М.Жапхандаевын нэрэмжит Буриадын Улсын цирк тус тус тоглоно.
Орос-Монголын найрамдал, хамтын ажиллагааны өдрүүдээр баярын концертууд тоглогдоно. Мөн энэ өдрүүдэд Монгол Улсын нийслэлд худалдаа, эдийн засаг, шинжлэх ухаан, техникийн хамтын ажиллагааны Орос-Монголын Засгийн газар хоорондын комиссын 25 жилийн ойн хурал болно гэж БНБуриад Улсын Засгийн газрын мэдээнд өгүүлжээ.