Улаанбаатар Түншлэл - 2023

“Улаанбаатар түншлэл” үзэсгэлэнд

Буриадын бизнес эрхлэгчид идэвхтэй оролцов

Үзэсгэлэнд Оросын 35 компани оролцсоны 30 нь  БНБуриад Улсын төлөөлөл байв.

“Улаанбаатар түншлэл” олон улсын үзэсгэлэнгийн нээлтийн үеэр Оросын компаниудын бүтээгдэхүүн Монголын худалдан авагчдын дунд эрэлт ихтэй байлаа. Энэхүү арга хэмжээний эхний өдрийн үр дүнгийн талаар ХАҮТ-аас ТАСС агентлагийн сурвалжлагчид мэдээлэв.

“Энэ жил манай үзэсгэлэнд ОХУ, БНХАУ, Беларусь зэрэг орны дотоод, гадаадын 200 гаруй компани оролцож байна. ОХУ-ын барилгын материал, спортын хэрэгсэл, хүнсний бүтээгдэхүүн үйлдвэрлэдэг 35 жижиг, дунд үйлдвэрийн төлөөл оролцож байна. Үзэсгэлэнгийн эхний өдрөөс л оросын бүтээгдэхүүнүүд оролцогчдын дунд хамгийн өндөр эрэлттэй байлаа” гэж МҮХАҮТ-ын хэвлэлийн албанаас мэдээллээ.

“Байгаль экспо” компанийн захирал Татьяна Беседина ТАСС-ын сурвалжлагчтай ярилцахдаа “Оросын 35 оролцогчдоос 30 компани нь Буриадаас ирсэн” гэв.

“Буриадаас ирсэн хоёр дүүргийн удирдлагууд тус тусын павильондоо орон нутгийн бизнес эрхлэгчдийн бүтээгдэхүүнийг танилцуулсан. Энд манай цэцэрлэгжүүлэлт, суулгацын үзэсгэлэн Монголын худалдан авагчдын дунд маш их эрэлт хэрэгцээтэй байна" гэж Татьяна Беседина яриандаа онцлов.

Эх сурвалж: Нэгдүгээр сонин

Тодруулга:

МҮХАҮТ, НЗДТГ, Нийслэлийн бизнес инноваци хөгжлийн газар хамтран "Улаанбаатар Түншлэл-2023" Олон улсын үзэсгэлэн яармагийг 48 дахь жилдээ 9 дүгээр сарын 28-наас 10 дугаар сарын 1-ний өдрүүдэд Мишээл экспо төвд зохион байгуулав.

Үзэсгэлэнд Бүгд Найрамдах Беларус Улсаас 7, Оросын Холбооны улсаас 30 гаруй, БНХАУ-ын Ляонинь мужийн 30 гаруй бизнес эрхлэгч оролцож, Монголын ААН-үүдэд бүтээгдэхүүн, үйлчилгээгээ танилцуулав.

Мөн дотоодын томоохон 40 гаруй ААН оролцжээ.

Үзэсгэлэнд:

 ХАА: Био бордоо, Органик хог хаягдлыг боловсруулах бэлдмэл, Ургац хураагч комбайнууд, Бүх төрлийн ХАА-н тоног төхөөрөмж, Ачааны, зорчигч тээврийн, чиргүүлийн, тусгай техник, микроавтобус, электробус

• Барилга: Барилгын материал, Гипс хавтан, Фанер, Хөөс, Дамжуулах хоолойн эд анги, LED гэрэлтүүлгийн үйлдвэрлэл
• Хүнс: Жимс, жимсгэнэ, түүгээр хийсэн бүтээгдэхүүн, Зөгийн балны үйлдвэрлэл, Ойн жимсний үйлдвэрлэлийн бүтээгдэхүүн, Тосны ургамлын үр тариа (Маалинга, Рапс)-ны бүтээгдэхүүн, Өндөг, сүү, сүүн бүтээгдэхүүн, бяслаг, цөцгийн тос, мах, махан бүтээгдэхүүн, Чихэр
• Хөнгөн үйлдвэр: Бугын үслэг эдлэлээр хийсэн гутал, Халуун хадгалах сав, Гэр ахуйн хэрэгсэл
• Эрүүл мэнд: Мал эмнэлгийн эмийн сангийн сүлжээ, Байгаль нуурын давирхай гэх мэт бүтээгдэхүүнүүд тавигдсан байна.