Хотын дарга Д.Сумъяабазар Буриадад анх удаа айлчлав

Энэ есдүгээр сарын 17-ны өдөр /2022.09.17/ Нийслэлийн Засаг дарга бөгөөд Улаанбаатар хотын Захирагч Долгорсүрэнгийн Сумъяабазар тэргүүтэй Монголын төлөөлөгчид Улаан-Үд хотод айлчиллаа. Айлчлалын хүрээнд эрүүл мэндийн аялал жуулчлал, худалдаа аж үйлдвэрийн хамтын ажиллагааны салбарын харилцааг хөгжүүлэх гэрээнд гарын үсэг зурсан хэмээн Буриадын засгийн газрын хэвлэлийн албанаас мэдээлсэн байна.

Буриадын тэргүүн Алексей Цыденов хэлэхдээ, “Улаанбаатар Нийслэлийн Засаг дарга бид хоёр Цөмийн Анагаах Ухааны Төв, Хавдар судлалын диспансераар зочилж, Монголын ард түмэн манайхыг зорин ирж, өндөр технологийн эмнэлгийн тусламж үйлчилгээ авах боломж бололцоогоо харууллаа. Хамтран ажиллагсад маань сонирхож байгаа тул бид энэ чиглэлээр үргэлжлүүлэн ажиллах болно. Онгоцны үйлдвэр дээр ч бидний боломжуудыг танилцуулсан. Буриадад үйлдвэрлэсэн, Монголд нийлүүлэх боломжтой зүйлийг хотын даргад үзүүлснээр бидэнд болон манай талд ашигтай. LVRZ дээр Монгол, Буриад, ОХУ-д ашигтай харилцан ашигтай төслүүдийг хэлэлцсэн.

Ойрын хугацаанд Буриадын Засгийн газар Монголын талынхантай хамтран гарын үсэг зурсан гэрээг хэрэгжүүлэх тал дээр үргэлжлүүлэн ажиллана гэж Буриадын тэргүүн онцоллоо. Мөн бидний бүх гэрээ цаасан дээр үлдэхгүй байх нь чухал, иймд хэрэгжүүлэхийн тулд бүх хүчин чармайлтаа гаргах болно” гэжээ.

Хотын дарга Д.Сумъяабазар, “Би Буриадад анх удаа айлчилж байна. Манай улс дунд болон дээд боловсролын салбарт мэргэжилтэн солилцох, боловсон хүчнийг давтан сургах, төрөл бүрийн чиглэлээр мэргэжил дээшлүүлэх сонирхолтой байгаа. Буриадад нэлээд том, үр ашигтай үйлдвэрлэлийн байгууламжууд байгаа. Манай улстай хамтран ажиллах асар их нөөц бололцоо байгааг бид харлаа. Цөмийн анагаах ухаан, оношилгооны төвийг энд дурдмаар байна. Энэ нь зөвхөн Буриад төдийгүй ойр орчмын бүх бүс нутгуудад чухал ач холбогдолтой юм шиг надад санагдаж байна. Мөн хамгийн чухал зүйл бол хаана ч харж, олж авах боломжгүй технологийн шийдлүүд. Үйлдвэрлэлийн талбайн тухай ярих юм бол нисдэг тэрэгний үйлдвэрлэл, тэр олон төрлийн нэршил нь манай Монголын нөхцөлд маш их хамааралтай. Тиймээс тодорхой чиглэлүүдээр захиалгаа сайтар бэлдэж өгөх шаардлагатай гэж бодож байна. Дэлхий дахинд танигдсан Ми-8 нисдэг тэргийг бид сайн мэднэ. Манай орчин нөхцөлд маш сайн. Сэлбэг хэрэгсэл, жижиг хэсгүүдээс эхлээд энэ бүхэл бүтэн бүтээгдэхүүний шугамыг Буриадад үйлдвэрлэдэг нь биднийг гайхширууллаа. Цаашид хамтран ажиллах байх гэж найдаж байна” гэжээ.